Victoria Wood wedi marw yn 62 oed

Diweddarwyd am  


Victoria Wood Llun: Ian West/PA Wire
Mae’r gomedïwraig a’r actores Victoria Wood wedi marw yn 62 oed.

Roedd wedi cael brwydr fer gyda chanser, meddai ei llefarydd Neil Reading.

Bu farw yn ei chartref yn Llundain gyda’i theulu o’i chwmpas, meddai.

Mae’r teulu wedi gofyn am breifatrwydd.

Roedd Victoria Wood yn ddigrifwraig, yn actores, cantores, sgriptwraig a chyfarwyddwraig.

Fe ddechreuodd ei gyrfa yn 1974 ar ôl iddi ennill y sioe dalent ‘New Faces’. Daeth i amlygrwydd yn yr 80au gyda’i chyfres deledu ‘Victoria Wood As Seen on TV’ ac ym 1998 fe ysgrifennodd ac actio yn y gyfres gomedi Dinnerladies ar gyfer y BBC.

Yn 2006 fe enillodd wobr Bafta am ei drama ‘Housewife, 49’ ar ITV.

Cafodd OBE yn 2008.

Fe ymddangosodd yn gyson ar y teledu gyda’r actorion Julie Walters, Duncan Preston a Celia Imrie.

‘Eicon’

Mae teyrngedau lu wedi cael eu rhoi i Victoria Wood.

Dywedodd yr actores Jennifer Saunders: “Yn syml roedd Vic yn un o’r ysgrifenwyr a pherfformwyr mwyaf doniol mae’r wlad yma erioed wedi’i chynhyrchu. Roedd hi’n ysbrydoliaeth ac fe fydd colled enfawr ar ei hol.”

Ychwanegodd y  ddigrifwraig Sarah Millican ei bod wedi “tristau’n ofnadwy” o glywed y newyddion ac fe ddisgrifiodd Victoria Wood fel “eicon gomedi.”

A dywedodd y ddigrifwraig Jenny Eclair bod gan “ferched ym myd comedi ddyled enfawr i Victoria – hi wnaeth arwain y ffordd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd