‘Y pumed Beatle’ Syr George Martin wedi marw’n 90 oed

Diweddarwyd am  


George Martin, dde, gyda Ringo Starr, Paul Mccartney a George Harrison
Mae’r dyn oedd yn cael ei adnabod fel y ‘pumed Beatle’, Syr George Martin wedi marw’n 90 oed.

Daeth cadarnhad o’r newyddion gan gyn-ddrymiwr y band, Ringo Starr ar ei dudalen Twitter.

Dywedodd ei reolwr, Adam Sharp, ei fod wedi marw’n dawel yn ei gartref.

Yn rhinwedd ei waith fel pennaeth cwmni recordiau Parlophone, roedd Martin yn gyfrifol am ddod â’r band o Lerpwl i amlygrwydd byd-eang ar ôl iddo glywed tâp o’u cerddoriaeth yn 1962.

Fe astudiodd yn y Guildhall School of Music ac roedd yn gerddor cyn troi at y diwydiant recordio.

Yn ystod ei yrfa, enillodd ddwy wobr Ivor Novello a chwe Grammy, ac fe gafodd wobr arbennig gan Grammy yn 2008 am ei arweiniad yn y byd cerddoriaeth.

Cafodd ei enwebu ar gyfer gwobr Academy yn 1965 am ei gyfraniad i’r ffilm ‘A Hard Day’s Night’, ac yn 1984, fe enillodd wobr Brit am ei gyfraniad i’r byd cerddoriaeth, a hynny’n dilyn ei wobr am y cynhyrchydd gorau yn 1977.

Yn 2012, cafodd rhaglen ddogfen yn olrhain ei fywyd ei darlledu gan y BBC. Roedd hefyd wedi gweithio gyda Shirley Bassey a Cilla Black.

Roedd yn weithgar yn y byd cerddoriaeth hyd y diwedd, ac mae ei fab Giles hefyd yn gynhyrchydd yn y stiwdios byd-enwog yn Abbey Road.

Mae teyrngedau lu wedi’u rhoi i Syr George Martin, gan gynnwys y rheiny gan fab John Lennon, Sean Ono Lennon, a Phrif Weinidog Prydain, David Cameron a’i ddisgrifiodd fel “cawr y byd cerddoriaeth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd