Toriadau i’r BBC: Enwogion yn arwyddo llythyr agored

Diweddarwyd am  


Daniel Craig
Mae llu o enwogion o’r byd adloniant wedi arwyddo llythyr agored yn galw ar Brif Weinidog Prydain, David Cameron i amddiffyn y BBC rhag toriadau arfaethedig.

Mae’r actorion Daniel Craig a’r Fonesig Judi Dench, a’r darlledwr David Attenborough ymhlith y rhai sy’n cefnogi’r ymgyrch.

Maen nhw – ynghyd ag enwau eraill megis yr awdures JK Rowling, yr actores Miranda Hart a’r cyflwynydd Chris Evans – yn galw ar David Cameron i sicrhau nad yw’r BBC yn dod yn “ddarlledwr cul”.

Ychwanega’r llythyr fod y BBC yn “rym creadigol er gwell”.

Mae disgwyl i bapur gwyrdd Llywodraeth Prydain gael ei gyhoeddi yfory sy’n galw am gwtogi rhaglenni ac adolygu ffi’r drwydded.

‘Gwrthdaro rhwng dwy weledigaeth’

Ddoe, cafodd y cynlluniau eu beirniadu gan y cyfarwyddwr cyffredinol Tony Hall wrth iddo gyhoeddi cynlluniau i godi £1 biliwn trwy raglenni poblogaidd megis Doctor Who.

Mae’r Ysgrifennydd Diwylliant John Whittingdale wedi penodi panel o wyth o bobol i adnewyddu siartr y BBC.

Mae rhai o fewn y llywodraeth yn ffafrio diddymu sianel newyddion y BBC, cwtogi’r wefan a chael gwared ar raglenni adloniant megis The Voice.

Dywedodd yr Arglwydd Hall fod y ddadl ynghylch y siartr yn “wrthdaro rhwng dwy weledigaeth”.

Ychwanegodd mai llais y gynulleidfa “sydd bwysicaf yn y ddadl hon”.

Dywedodd llefarydd ar ran Stryd Downing eu bod nhw wedi derbyn y llythyr.

Ychwanegodd llefarydd ar ran y Prif Weinidog, David Cameron: “Safbwynt y Prif Weinidog yw bod adolygu’r Siartr yn gyfle i gryfhau rhinweddau’r BBC ac y dylem adael i’r broses honno fynd rhagddi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer