Tiwnisia: Llygad dystion wedi ‘gweld dau ddyn arfog’

Diweddarwyd am  


Gosod blodau ar y traeth yn Sousse
Mae llygad-dystion yn Tiwnisia yn honni bod mwy nag un person wedi bod yn gyfrifol am yr ymosodiad ar dwristiaid ar draeth ddydd Gwener diwethaf.

Mae’r heddlu yn parhau i holi saith person sy’n cael eu hamau o fod yn gysylltiedig â’r dyn arfog.

Daw’r honiadau wrth i awyren y Llu Awyr, sy’n cludo pobl o Brydain a gafodd eu hanafu’n ddifrifol yn yr ymosodiad, gyrraedd Brize Norton.

Roedd y myfyriwr Seifeddine Rezgui wedi saethu 38 o bobl yn farw ar draeth yn Sousse, cyn cael ei saethu’n farw gan yr heddlu. Credir bod hyd at 30 o’r rhai gafodd eu lladd yn dod o Brydain, gan gynnwys Trudy Jones o’r Coed Duon, Gwent.

Dywed yr awdurdodau bod Rezgui wedi cynnal yr ymosodiad ar ei ben ei hun, ond ei fod wedi cael cymorth gan unigolion cyn y digwyddiad oedd wedi rhoi arfau iddo a’i helpu i gynllwynio’r ymosodiad.

Ond mae dau gwpl o Brydain, a oedd yn aros yn Tiwnisia adeg yr ymosodiad, yn dweud eu bod wedi gweld ail ddyn arfog yn yr ardal.

Mae saith o bobl yn dal i gael eu holi gan yr heddlu yn y brifddinas Tunis ar ôl cael eu harestio mewn tair dinas.

Mae David Cameron wedi cyhoeddi y bydd munud o dawelwch ddydd Gwener er cof am y rhai gafodd eu lladd yn yr ymosodiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019