Pryderon fod Prydeiniwr wedi marw ar Everest

Diweddarwyd am  


Everest
Mae’r Swyddfa Dramor yn ymchwilio i adroddiadau bod Prydeiniwr wedi marw mewn gwersyll – base camp – ar fynydd Everest.

Daw’r adroddiadau yn fuan wedi’r cadarnhad y bu farw Prydeiniwr arall yn dilyn y daeargryn yn Nepal.

Roedd y daeargryn wedi achosi eirlithriadau ar Everest.

Dywedodd yr Ysgrifennydd Tramor Philip Hammond fod ei swyddfa’n ymchwilio i’r adroddiadau, ac nad oes modd cadarnhau’r adroddiadau ar hyn o bryd.

Mae Hammond wedi trydar gan ddweud bod awyren sy’n cludo 120 o bobol wedi gadael y DU gydag adnoddau er mwyn cynorthwyo pobol yn Kathmandu.

Mae disgwyl i’r awyren lanio yn Kathmandu yn gynnar yn y bore.

Yn y cyfamser, mae £19 miliwn wedi cael ei roi i’r Pwyllgor Argyfwng Trychinebau fel rhan o apêl a gafodd ei sefydlu yn sgil y daeargryn yn Nepal.

Mae £14 miliwn wedi cael ei roi gan y cyhoedd a £5 miliwn gan Lywodraeth Prydain.

Susannah Ross

Yn y cyfamser, mae disgwyl i ddynes 20 oed o Gaerfaddon gael ei hachub bore fory wedi iddi fynd yn sownd tra’n cerdded yn nyffryn Langtang.

Dywedodd ei chwaer Nina fod y teulu wedi derbyn neges ganddi yn dweud ei bod hi’n aros i gael ei hachub, ac maen nhw’n galw ar yr awdurdodau i weithredu.

Dywedodd Nina Ross ei bod hi’n “rhwystredig” wrth gyfathrebu â’r awdurdodau, sy’n cynnwys Llysgenhadaeth Prydain.

“Rydyn ni’n gobeithio cael drwodd i wahanol lysgenhadon i gyflymu’r cyfan gan fod creigiau’n dal i gwympo sy’n lladd pobol yn yr ardal honno.

“Rhaid i ni roi pwysau ar y llysgenhadon, ar unrhyw elusennau, ar unrhyw un, i gael hofrenyddion allan yno.”

Dywedodd fod nifer o bobol wedi cael eu hachub eisoes gan fod llysgenhadon gwledydd eraill wedi talu am hofrenyddion.

“Dydy llysgenhadaeth Prydain ddim wedi talu am hofrenyddion i gael Susannah allan ac mae hynny’n golygu ei bod hi wedi cael ei gadael yno gyda rhai pobol eraill.”

Ychwanegodd fod y teulu wedi colli ffydd yn yr awdurdodau wedi iddyn nhw benderfynu gohirio’u hymdrechion i achub ei chwaer tan yfory.

Mae Prif Weinidog Nepal, Sushil Koirala wedi dweud y gallai nifer y bobol sydd wedi marw ddyblu yn y pen draw.

Mae modd cyfrannu at yr apêl drwy ffonio 0370 60 60 900.

Dylai unrhyw un sy’n gofidio am eu hanwyliaid ffonio’r Swyddfa Dramor a Chymanwlad ar 0207 008 0000.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl