Paul Flynn AS yn beirniadu rheolwr NATS am “anhrefn” awyrennau

 


Pauk Flynn AS
Mae Paul Flynn, Aelod Seneddol Gorllewin Casnewydd,  yn dweud na ddylai prif weithredwr NATS, Richard Deakin, sy’n gyfrifol am reoli  traffig awyr Prydain derbyn bonws ariannol yn dilyn problemau dydd Gwener.

Bu raid i awyrennau ddisgwyl cyn glanio a chanslwyd nifer o deithiau yn dilyn methiant yng nghyfrifiaduron canolfan traffig awyr cenedlaethol y DU.

Dywedodd Richard Deakin, prif weithredwr NATS, bod y broblem gyda’r meddalwedd yn un anodd i’w ddarganfod oherwydd, roedd wedi ei “gladdu” ymysg miliynau o linellau o god cyfrifiadurol ar safle  Swanwick, Hampshire.

Meddai Paul Flynn: “Er ei fod yn ddigwyddiad prin roedd yr anhrefn yn ofnadwy, ac rwy’n gobeithio bydd yn colli ei fonws.”

Mae Richard Deakin yn ennill mwy na £1 miliwn ar ôl derbyn codiad cyflog o 45% eleni.

Roedd NATS wedi derbyn adroddiad gan yr Awdurdod Hedfan Sifil yn gynharach eleni yn dilyn problemau llynedd.

Dywedodd yr awdurdod yn yr adroddiad bod cynllun NATS ar sut i ddelio a phroblem debyg, “yn brin o fanylder ac eglurder.”

Ymddiheuro

Ymddiheurodd Richard Deakin am y problemau a’i fod yn “sicrhau na fyddai’n digwydd eto.”

Meddai “Aeth y cynlluniau wrth gefn ar waith ac rwy’n credu mai’r neges allweddol yw, bod yr awyr wedi ei gadw’n hollol ddiogel yn ystod y 45 munud pan gafwyd y broblem.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019