Cafodd bron i un miliwn o docynnau eu gwerthu ar gyfer Cwpan Rygbi’r Byd pan ddechreuodd y broses geisiadau fis diwethaf.
Yn ystod y cyfnod gwerthu cychwynnol, roedd mwy na phum miliwn o geisiadau am docynnau – y nifer uchaf o geisiadau erioed.
Bydd tocynnau ar gyfer 23 o 48 o gemau yn cael eu gwerthu trwy dynnu enwau allan o’r het.
Bydd y ceisiadau aflwyddiannus y tro hwn yn cael y flaenoriaeth yn yr ail rownd ddiwedd mis Tachwedd.
Roedd y gemau rhwng Cymru a Lloegr a Chymru yn erbyn Awstralia yn Twickenham ymhlith y gemau oedd wedi apelio fwyaf at gefnogwyr.
Cafodd mwy na 340,000 o docynnau eu gwerthu yng Nghymru a Lloegr trwy’r Rhaglen Rygbi Gymunedol, sy’n darparu tocynnau i glybiau lleol.
Mae’r holl docynnau ar gyfer blychau lletygarwch yn Twickenham wedi’u gwerthu.
