RSS

Golwg360

MwyCau 

RTE yn gohirio cynlluniau i gwtogi gwasanaeth radio

Hydref 15, 2014 14:07


Mae’r darlledwr Gwyddelig RTE wedi gohirio’r broses o ddod â gwasanaeth tonfedd hir i alltudion i ben.

Mae’r gwasanaeth LW252 yn darlledu rhaglenni i wrandawyr ym mhob rhan o wledydd Prydain, gan gynnwys rhannau o Ogledd Iwerddon sydd y tu hwnt i gyrraedd y gwasanaeth FM.

Roedd disgwyl i’r gwasanaeth ddod i ben ddiwedd y mis, ond mae pryderon ymhlith gwrandawyr nad oes gwasanaeth digonol i’w ddisodli.

Bellach, mae’r cwmni’n bwriadu dod â’r gwasanaeth i ben erbyn mis Ionawr y flwyddyn nesaf.

Dywedodd llefarydd ar ran RTE fod gohirio’r penderfyniad yn rhoi’r cyfle i wrandawyr ddod o hyd i wasanaeth newydd i wrando arno.

Mae penaethiaid RTE eisoes wedi mynd gerbron pwyllgor o aelodau seneddol i gyfiawnhau eu penderfyniad i gau’r donfedd hir.

Mae disgwyl i’r penderfyniad arbed hyd at 250,000 Ewro.

Ychwanegodd llefarydd RTE mai 37 o gwynion a dderbyniodd y cwmni pan gafodd y gwasanaeth ei atal dros dro am ddeuddydd yn gynharach eleni.

Yn ôl RTE, mae 98% o wrandawyr yr orsaf yn defnyddio tonfeddi eraill a gwasanaethau digidol i wrando ar raglenni.

Yn y cyfamser, mae RTE wedi penderfynu ail-gyflwyno swydd Gohebydd Llundain, gan ddileu swydd y Gohebydd Ewropeaidd ym Mrwsel.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.