Bob Hoskins gyda'i wraig Linda
Mae’r actor Bob Hoskins wedi marw’n 71 oed.
Roedd yn dioddef o glefyd Parkinson a bu farw o niwmonia.
Roedd yn fwyaf adnabyddus am ei ran yn y ffilmiau Who Framed Roger Rabbit a The Long Good Friday.
Cafodd ei enwebu am Oscar yng nghategori’r Actor Gorau am ei ran yn y ffilm Mona Lisa.
Rhoddodd y gorau i actio yn 2012 ar ôl cael gwybod ei fod yn dioddef o glefyd Parkinson.
Mewn datganiad, dywedodd ei deulu eu bod nhw wedi “colli ein hannwyl Bob” neithiwr.
Mae’n gadael gwraig a phedwar o blant.
Wrth ddiolch am negeseuon o gydymdeimlad, gofynnodd y teulu am breifatrwydd i alaru.
