Cofio’r 270 gafodd eu lladd yn Lockerbie

 


Gweddillion yr awyren a ffrwydrodd uwchben Lockerbie yn 1988 (Hawlfraint y Goron)
Fe fydd gwasanaethau coffa yn America, yr Alban a Llundain ddiwedd yr wythnos i nodi 25 mlynedd ers ymosodiad terfysgol Lockerbie pryd y cafodd 270 o bobl eu lladd.

Fe fydd y gweinidog yn Swyddfa’r Alban ac AS Lockerbie, David Mundell, yn cynrychioli llywodraeth Prydain mewn gwasanaeth goffa ym mynwent genedlaethol Arlington yn Washington ddydd Sadwrn.

Americanwyr oedd 189 o’r rhai a gafodd eu lladd.

Fe fydd Prif Weinidog yr Alban, Alex Salmond, a’r Arglwydd Wallace, Cyfreithiwr Cyffredinol yr Alban, yn mynychu gwasanaeth ym mynwent Dryfesdale yn Lockerbie.

Fe fydd Dirprwy Brif Weinidog yr Alban, Nicola Sturgeon, ac Ysgrifennydd yr Alban, Alistair Carmichael, mewn gwasanaeth yn Abaty Westminster a fydd yn cael ei gynnal yr un pryd.

Fe wnaeth awyren Boeing 747 Pan Am 103 ffrwydro uwchben Lockerbie ar 21 Rhagfyr 1988 gan ladd pawb ar ei bwrdd ac 11 o bobl ar y ddaear.

Un dyn yn unig, Abdelbaset al-Megrahi, a fu farw fis Mai y llynedd, a gafodd ei ddedfrydu am osod y bom.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer