Alffa yn lansio albym ac yn rhoi’r elw i achos da

Diweddarwyd am  

Alffa

Mae’r band roc trwm Alffa yn lansio eu halbwm Rhyddid o’r Cysgodion Gwenwynig heno (Tachwedd 29) yn Nhŷ Glyndŵr, Caernarfon.

Bydd elw’r noson yn cael ei roi i’r wefan Meddwl.org sy’n trafod iechyd meddwl.

Mae Alffa wedi cael llwyddiant syfrdanol ar wefan spotify, gyda’r gân ‘Gwenwyn’ wedi ei ffrydio tros dair miliwn o weithiau erbyn hyn.

Dwy filiwn o wrandawiadau i’r gân ‘Gwenwyn’ gan Alffa

Ac mae’r band wedi bod yn gweithio ar yr albwm, sy’n cynnwys 11 o ganeuon, ers tua blwyddyn ac mae Dion Jones yn “hapus iawn efo sut mae o’n swnio”.

Er bod y band yn adnabyddus am draciau roc trwm fel ‘Gwenwyn’ a ‘Pla’, gig acwstig fydd yr un i lansio’r albym newydd.

“Roedden ni eisiau gwneud gig acwstig ychydig yn fwy syml am wn i, ac mae’r arian i gyd yn mynd i’r elusen Meddwl.org hefyd,” meddai canwr y band Dion Jones.

“Mae’r elusen wedi helpu ni efo PR a phethau felly, mae o’n achos ofnadwy o dda ac yn rhywbeth pwysig i wneud dw i’n meddwl.”

DIENW yn cefnogi

Y band DIENW sydd yn cefnogi Alffa yn Nhŷ Glyndŵr.

Mae’r band wedi bod yn ennyn cryn sylw yn ddiweddar ac wedi arwyddo i label I KA CHING.

“Mae drymar DIENW, Osian yn frawd i Siôn drymar ni, ac maen nhw’n two piece hefyd felly roedden ni’n meddwl ei fod o’n gwneud synnwyr,” eglura Dion Jones.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones