Nyrs babanod o Abertawe’n beicio 250 milltir at achos da

Diweddarwyd am  

Celyn George

Llun proffil oddi ar gyfrif Facebook Celyn George

Fe fydd nyrs o Abertawe yn beicio dros 200 milltir ar feic mewn gym yn Abertawe y penwythnos hwn er mwyn codi arian at achos da.

Mae Celyn George, sy’n nyrsio babanod sydd wedi’u geni’n rhy gynnar yn Ysbyty Arch Noa yng Nghaerdydd, yn cystadlu yn rownd derfynol Miss Cymru a fydd yn cael ei chynnal ddiwedd mis Ebrill – ac fel rhan o’r gystadleuaeth honno y mae’n rhaid iddi godi arian at elusen.

Mae hi wedi penderfynu beicio 250 milltir er mwyn cynrychioli’r 250 o blant a babanod yng ngwledydd Prydain sy’n marw o ganser bob blwyddyn.

Mi fydd yr arian sy’n cael ei godi hefyd yn cael ei roi i’r elusen ‘Beauty with a Purpose’, sy’n codi arian ar gyfer plant sy’n byw dan anfantais ledled y byd.

Elusen sy’n “agos iawn at fy nghalon i”

“Mae’r elusen yn rhoi arian i blant ledled y byd sydd dan anfantais,” meddai Celyn George wrth golwg360. “Fel nyrs pediatrig, dw i’n gweithio yn yr uned intensive care yng Nghaerdydd, felly mae’r achos hon yn agos iawn at fy nghalon i.

“Os fi’n ennill teitl Miss Cymru, dw i mo’yn mynd â’r teitl wedyn i godi ymwybyddiaeth am elusennau eraill, fe rhai am addysg i ferched, gan dreial adeiladu confidence merched eraill a dangos bo nhw’n gallu gwneud be bynnag maen nhw ishe.”

Mi fydd Celyn George yn beicio ar feic yn y gym 24 awr, Anytime Fitness, yn Abertawe yfory (dydd Sadwrn, Chwefror 17), gan gychwyn am 7:30 y bore.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?