RSS

Golwg360

MwyCau 

Canllawiau newydd dros ofal babanod cynnar

Hydref 6, 2017 08:51


Babi cynnar iawn (ceejayoz GNU1.2)
Mae canllawiau newydd yn cael eu cyflwyno i staff iechyd sy’n gofalu am fabanod sydd wedi cael eu geni’n rhy fuan.

Mae Cylchlythyr Iechyd Cymru gan Lywodraeth Cymru yn amlinellu’r hyn y mae’n rhaid i fyrddau iechyd ei wneud i ofalu am blant sy’n cael eu geni yn gynt na 24 wythnos.

Cafodd y canllawiau eu datblygu wedi i ddynes leisio pryderon yn sgil marwolaeth ei mab – bu farw mab Emma Jones, Riley, bedair blynedd yn ôl wedi cyfnod beichiogrwydd o 22 wythnos.

Pryder Emma Jones oedd bod cyfarwyddiadau presennol Gymdeithas Meddygaeth Amenedigol Prydain ddim yn cynnig digon o gyngor i weithwyr iechyd.

“Cefnogi mamau”

Dan y canllawiau newydd bydd teuluoedd yn cael eu cynnwys mewn trafodaethau am ofal babanod ac fe fydd camau yn cael eu cyflwyno er mwyn sicrhau asesiadau meddygol prydlon.

“Diolch o waelod calon i Emma Jones am fod yn barod i rannu ei phrofiadau poenus â ni,” meddai Prif Swyddog Meddygol Cymru a Chyfarwyddwr Gwasanaeth Iechyd Gwladol  Cymru,  Dr Frank Atherton.

“Diolch iddi hefyd am gydweithio â ni i ddatblygu’r canllawiau newydd. Bydd hyn o fudd i wasanaethau mamolaeth yn eu gwaith o gefnogi mamau a theuluoedd mewn ffordd sensitif pan fo babanod yn cael eu geni ar y trothwy goroesi.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.