Prifysgol Abertawe’n ennill gwobr am ymchwil i ganser yr ofari

Diweddarwyd am  


Mae ymchwilwyr o Brifysgol Abertawe wedi ennill gwobr am ymchwil i greu prawf diagnostig cyflymach, mwy cywir a chludadwy, a llai drud ar gyfer canser yr ofari.

Yr Athro Steven Conlan o’r Ysgol Feddygol sy’n arwain y gwaith ymchwil.

Gall y ddyfais newydd ddod o hyd i ganser yr ofari o fewn ychydig funudau, gan ddefnyddio dafnau o waed.

Mae’r dechnoleg yn wahanol i’r hyn sydd eisoes ar gael mewn ysbytai, ac mae mwy o bosibiliadau o ran monitro cleifion hyd yn oed ar ôl cael diagnosis.

Does dim angen labordy er mwyn asesu’r profion na thechnegwyr arbenigol i’w dadansoddi, ac mae hynny’n golygu y byddai costau profion yn is na’r arfer heb fod angen canoli gwasanaethau.

Fe allai’r dechnoleg hefyd gael ei defnyddio i ganfod afiechydon eraill.

“Cam pwysig”

Mae arbenigwyr o’r Ysgol Feddygol a’r Ysgol Beirianneg yn Abertawe, ynghyd ag arbenigwr o’r Labordy Nanodechnoleg Iberiaidd Cenedlaethol wedi ennill y wobr o 35,000 ero am eu gwaith.

Bydd hyn yn eu galluogi i gynnal arolwg o’r farchnad, datblygu cynllun busnes, gwirio technoleg gan arbenigwyr yn y diwydiant a sefydlu cwmni ar sail y dechnoleg.

“Bydd gwobr Hovione yn galluogi’r tîm i ddechrau ar y broses o symud ein dyfais o’r labordy at y claf.,” meddai’r Athro Steven Conlan. “Er bod tipyn o waith i’w wneud eto, dyma gam pwysig tuag at ddiagnosis gwell a chynharach i gleifion sydd â chanser yr ofari.

 “Fe fu cydweithio rhwng y ddwy ganolfan Ewropeaidd yn allweddol i’r cyrhaeddiad hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd