RSS

Golwg360

MwyCau 

Cynllun i fynd i’r afael ag iechyd meddwl mewn ysgolion

Medi 25, 2017 10:56 Diweddarwyd am 10:56


Mae cynlluniau newydd yn cael eu cyflwyno heddiw i gynnig cefnogaeth emosiynol ac iechyd meddwl i ddisgyblion ac athrawon yn ysgolion Cymru.

Daw hyn wrth i Lywodraeth Cymru fuddsoddi £1.4m i gryfhau’r gwasanaethau CAMHS (gwasanaeth iechyd meddwl plant a glasoed arbenigol) mewn ysgolion.

Yn rhan o hyn bydd swyddogion arbenigol yn cael eu recriwtio i weithio mewn ysgolion yn ystod y rhaglen beilot rhwng diwedd y flwyddyn hon a 2020.

Fe fydd ysgolion uwchradd a chynradd yn rhannau o’r gogledd ddwyrain, de ddwyrain a Cheredigion yn rhan o’r rhaglen beilot.

‘Lles cadarnhaol’

Fe fydd y swyddogion yn helpu athrawon i adnabod arwyddion o iechyd meddwl ymysg plant ynghynt er mwyn atal y broblem rhag datblygu’n fwy difrifol yn ystod eu bywydau.

Fe fyddan nhw’n cael eu hyfforddi ym meysydd gorbryder, hwyliau isel, hunan-niweidio cymhellol ac anhwylderau ymddygiad.

Mae’r cynllun wedi’i gytuno rhwng Vaughan Gething a Kirsty Williams, yr Ysgrifennydd Iechyd ac Addysg.

“Drwy’r fenter newydd hon, rydym yn gwneud ysgolion yn lleoedd sy’n hyrwyddo iechyd meddwl a lles cadarnhaol, ac sy’n atal ac ymyrryd yn fuan ar sail tystiolaeth pan fo’i angen,” meddai Kirsty Williams.

“Bydd hefyd yn sicrhau bod athrawon yn teimlo’n hyderus i ddelio â thrallod emosiynol a’u bod yn gwybod ble i gael cefnogaeth,” meddai.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.