Hwb o £140,000 i brosiect mentora ieithoedd tramor

 


Ysgrifennydd Addysg Cymru, Kirsty Williams, Llun: Gwefan y Democratiaid Rhyddfrydol
Mae prosiect sydd yn annog pobol i ddysgu ieithoedd tramor wedi derbyn buddsoddiad fydd yn galluogi disgyblion mewn ardaloedd gwledig Cymru i fedru cymryd rhan.

Mae ‘Prosiect Mentora Myfyrwyr Ieithoedd Tramor Modern’ yn gosod mentoriaid ieithoedd tramor mewn ysgolion Cymreig gyda’r nod o annog disgyblion i ddewis ieithoedd modern ar gyfer eu hopsiynau TGAU.

Bydd y buddsoddiad £140,000 gan Lywodraeth Cymru yn galluogi datblygiad llwyfan ddigidol fydd yn golygu bod plant o ardaloedd anghysbell yn medru cymryd rhan yn ddigidol.

Dyma fydd trydedd flwyddyn y prosiect, ac mae’n debyg bod ysgolion sydd eisoes yn rhan ohoni wedi gweld cynnydd yn nifer y disgyblion sy’n dewis ieithoedd ar lefel TGAU.

“Ymestyn y cyllid”

“Ein huchelgais i bob dysgwr yng Nghymru yw astudio Cymraeg, Saesneg ac o leiaf un iaith dramor fodern yn yr ysgol gynradd,” meddai’r Ysgrifennydd Addysg, Kirsty Williams.

“Rwyf i’n falch i ymestyn y cyllid ar gyfer y prosiect mentora myfyrwyr ieithoedd tramor modern, yn sgil ei lwyddiant a’i gyfraniad at ein nod o gynyddu’r nifer o bobl ifanc sy’n dewis astudio ieithoedd tramor modern.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd