RSS

Golwg360

MwyCau 

Awdures o Awstralia yw enillydd Gwobr Ryngwladol Dylan Thomas 2017

Mai 11, 2017 12:26 Diweddarwyd am 12:30


Fiona McFarlane
Mewn seremoni yn Neuadd Fawr Prifysgol Abertawe, nos Fercher, cyhoeddwyd mai Fiona McFarlane, awdur 39 oed o Sydney, Awstralia, yw enillydd Gwobr Ryngwladol Dylan Thomas, gwerth £30,000.

Y gyfrol fuddugol, The High Places, yw’r ail lyfr i Fiona McFarlane ei gyhoeddi. Mae’r casgliad o straeon yn teithio cyfandiroedd, yn rhychwantu cyfnodau gwahanol mewn amser, ac yn trafod amrywiaeth o themâu fel hiraeth, atgasedd, cariad ac ofn.

Yn ol Dai Simith, cadeirydd y panel beirniaid, mae gwaith Fiona McFarlane yn feistrolgar ac yn “gasgliad bythgofiadwy o straeon byrion syfrdanol”.

“Mae hwn yn waith aeddfed gan awdur ifanc sy’n amlygu’r gwir enaid rhyngwladol o’r wobr hon,” meddai wedyn.

Roedd y rhestr fer eleni yn cynnwys straeon byrion, nofelau a barddoniaeth gan awduron o Sri Lanca, yr Unol Daleithiau a gwledydd Prydain.

Mae’r wobr yn cael ei ddyfarnu i’r darn gorau o waith sydd wedi’i gyhoeddi’n Saesneg ac sydd wedi’i ysgrifennu gan awdur sy’n 39 mlwydd oed neu’n iau.

Gwobrau eraill 

Nid dyma’r wobr gyntaf i Fiona McFarlane ei hennill. Fe ddaeth ei chyfrol gyntaf, The Night Guest, i frig gwobr lenyddol Voss, ac mae Fiona McFarlane hefyd wedi ennill Gwobr Barbara Jefferies yn 2014, ynghyd â lle ar restr fer Gwobr Llyfr Cyntaf y Guardian yn 2014

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.