Ffrae Llangennech yn parhau yn Private Eye

Diweddarwyd  


Rhan o lythyr Gareth Rees yn rhifyn diweddaraf Private Eye
Mae’r ffraeo dros newid statws iaith Ysgol Llangennech yn parhau ar dudalennau cylchgrawn dychanol, Private Eye, gyda llythyr arall ar y pwnc wedi’i gyhoeddi yn y rhifyn diweddaraf.

Mae Dr Gareth Rees o Lanafan, Ceredigion, yn beirniadu darllenwr arall am ei “ragfarn bychanfrydig” yn erbyn y Gymraeg.

Yn y rhifyn cynt o’r Eye, roedd llythyr gan David Howard o’r Gelli Gandryll yn cwyno bod “gormod o arian” yn cael ei wario ar gyfieithu dogfennau yng Nghymru, tra bod “llyfrgelloedd, toiledau cyhoeddus, gofal cymdeithasol i’r henoed a gwasanaethau eraill sy’n cael eu hariannu’n gyhoeddus yn cael eu torri’n ddifrifol”.

Dywedodd hefyd y byddai rhoi addysg Gymraeg i’w blant yn “niwed anochel”.

‘Dragon… and on’

Yr wythnos hon, dan y teitl ‘Dragon… and on’, mae Gareth Rees yn dweud yn ei lythyr nad yw ei sylwadau’n adlewyrchu barn ar lawr gwlad ar yr iaith ac addysg Gymraeg.

“Mae arolygon barn wedi dangos yn gyson bod y mwyafrif sylweddol o boblogaeth Cymru o blaid ymdrechion i hyrwyddo’r iaith frodorol,” meddai.

“Ac mae’r galw am addysg gyfrwng Gymraeg ledled y wlad wedi bod yn fwy na’r ddarpariaeth ers degawdau.

“Dyma’r cefndir i ymrwymiad Llywodraeth Cymru i gynyddu darpariaeth addysg gyfrwng Gymraeg a’i tharged o filiwn o siaradwyr Cymraeg erbyn 2050.”

Mae’r Prif Lenor, Robin Llywelyn, eisoes wedi herio’r papur newydd tros erthygl ar droi Ysgol Llangennech, Llanelli, yn ysgol gyfrwng Gymraeg.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd