RSS

Golwg360

MwyCau 

Cyflwyno prosiect dysgu iaith trwy gerddoriaeth

Mawrth 16, 2017 08:12 Diweddarwyd am 08:56


Mererid Hopwood
Bydd prosiect sydd â’r nod o annog plant i ddysgu iaith trwy ddefnyddio cerddoriaeth yn cael ei gyflwyno mewn deg ysgol gynradd yn ne orllewin Cymru.

Pwrpas prosiect Cerdd Iaith, yw mynd i’r afael â dirywiad dysgu ieithoedd yng Nghymru gan targedu Abertawe, Sir Gaerfyrddin a Cheredigion yn benodol.

Bydd y prosiect yn ystyried sut mae elfennau cerddorol iaith yn gallu helpu pobl i ddysgu ac bydd athrawon yn annog disgyblion i wrando ar sŵn ieithoedd i wella’r broses o ddatblygu a deall geirfa newydd.

Mae’r prosiect dan arweiniad Cerddorfa Genedlaethol Gymreig y BBC, British Council Cymru, Ein Rhanbarth ar Waith a Phrifysgol Cymru: y Drindod Dewi Sant; a chaiff ei ariannu gan gronfa gwerth £1m trwy Sefydliad Paul Hamlyn.

Mae Cerdd Iaith hefyd yn bwriadu datblygu a chryfhau’r berthynas rhwng Cymru a Phatagonia, yn sgil dathlu 150 o flynyddoedd ers sefydlu’r Wladfa.

“Cyfle gwych”

“Mae wedi bod yn gyfle gwych i archwilio gydag athrawon ysgolion cynradd sut mae disgyblion yn ymateb i sŵn geiriau,” meddai’r Athro Mererid Hopwood o Brifysgol Cymru: y Drindod Dewi Sant.

“Mae’r dull hwn o weithredu yn ymddangos fel pe bai’n datblygu gwerthfawrogiad o bwysigrwydd gwrando trylwyr a’r angen i greu’r amgylchedd cywir i annog pobol i gymryd risgiau wrth ddysgu ieithoedd newydd.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.