RSS

Golwg360

MwyCau 

Gwrthod y syniad o ddeddfu er mwyn gwarchod enwau llefydd

Mawrth 15, 2017 15:30 Diweddarwyd Mawrth 16, 2017 08:30


Dai Lloyd AC
Mae’r awgrym y dylid cyflwyno deddf a fyddai’n diogelu enwau llefydd hanesyddol yng Nghymru, wedi’i wrthod ym Mae Caerdydd heddiw.

Roedd Aelod Cynulliad Plaid Cymru tros Orllewin De Cymru, Dai Lloyd, wedi gofyn am ganiatâd y Cynulliad i gyflwyno’r bil a fyddai’n diogelu enwau lleoedd hanesyddol ym mhob iaith.

Eisoes mae Deddf yr Amgylchedd Hanesyddol Cymru 2016 yn weithredol, sydd yn rhoi dyletswydd ar Weinidogion Cymru i “lunio a chynnal rhestr o enwau lleoedd hanesyddol yng Nghymru”. Ond nid yw’r enwau ar y rhestr hon wedi’u diogelu gan y ddeddf honno.

Daw galw am y ddeddf yn sgil cyfres o enghreifftiau o lefydd hanesyddol yng Nghymru yn colli eu henwau Cymraeg gan gynnwys Faerdre Fach a ddaeth yn ‘Happy Donkey Hill’.

Cam ymlaen

“Yn aml, mae’n enwau lleoedd ni yn adlewyrchu topograffeg ardal, cysylltiad â pherson hanesyddol neu nodedig, cysylltiad â digwyddiadau yn y gorffennol, neu gyfnodau sydd wedi cael effaith ar hanes cymdeithasol-ddiwylliannol ac economaidd Cymru,” meddai Dai Lloyd.

“Diben y Bil yw diogelu enwau lleoedd hanesyddol yng Nghymru, er mwyn trio sicrhau na chaiff elfen allweddol o’n treftadaeth genedlaethol ei cholli – yn Gymraeg, yn Saesneg ac mewn ieithoedd eraill.

“Does dim diogelwch ar gael i enwau lleoedd hanesyddol ar y foment, ond am y ffaith eu bod nhw’n bodoli, neu yn mynd i fodoli ar y rhestr genedlaethol sy’n cael ei ddatblygu dan Ddeddf 2016, felly fydde unrhyw gam yn gam ymlaen.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.