RSS

Golwg360

MwyCau 

Galw am ffair iaith i gynyddu nifer siaradwyr

Mawrth 10, 2017 09:14 Diweddarwyd am 23:24


Angen efelychu'r Alban meddai RhAG (deunydd cyhoeddusrwydd Language Show Scotland)
Mae grŵp Rhieni dros Addysg Gymraeg wedi galw ar Lywodraeth Cymru i gynnal Ffair Ieithoedd yng Nghymru er mwyn dathlu ieithoedd lleiafrifol a’u gosod “ochr yn ochr ag ieithoedd ‘mawr’ y byd.”

Yn ôl RhAG, mae angen “dirfawr” am ddigwyddiad o’r fath er mwyn cael gobaith o gyrraedd targed y Llywodraeth o gyrraedd miliwn o siaradwyr erbyn 2050.

Mae’r mudiad am weld rhywbeth tebyg i’r Language Show Scotland, y digwyddiad iaith mwyaf yn Ewrop, sy’n cael ei gynnal yn Glasgow heddiw a fory ac sy’n cael cefnogaeth gan Lywodraeth yr Alban.

Mae’r sioe yn cynnwys seminarau, dosbarthiadau blasu iaith, fforymau byw a pherfformiadau diwylliannol i ddathlu ieithoedd y byd, gan gynnwys yr Aeleg.

Angen yr un peth yng Nghymru

“Mae’r digwyddiad hwn yn enghraifft wych o’r hyn sydd ei angen yma yng Nghymru,” meddai Lynne Davies, Cadeirydd Cenedlaethol RhAG.

“Dyma ddathliad bywiog, egnïol a chyffrous sy’n gosod ieithoedd lleiafrifol ochr yn ochr ag ieithoedd ‘mawr’ y byd. Dyma’n union sydd ei angen er mwyn atgyfnerthu statws ein hieithoedd brodorol fel ieithoedd cyfoes, hyderus ac allblyg.

“Wrth i’r Llywodraeth amcanu i gyrraedd ei darged o filiwn o siaradwyr Cymraeg erbyn 2050, bydd y gwaith o hyrwyddo’r Gymraeg yn gwbl greiddiol wrth weithredu’r polisi hwnnw yn llwyddiannus.”

Fe alwodd am dynnu nifer o bartneriaid at ei gilydd dan arweiniad y Llywodraeth.

Mae golwg360 wedi gofyn am ymateb gan Lywodraeth Cymru.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.