RSS

Golwg360

MwyCau 

Brexit yn bygwth sefydliad iaith

Mawrth 10, 2017 08:29


Mae swyddfa Mercator ym Mhrifysgol Aberystwyth (Llun Golwg360)
Mae sefydliad iaith rhyngwladol sydd â’i swyddfa yn Aberystwyth yn dweud y gallai Brexit beryglu ei waith.

Mae Mercator yn gweithio ym maes ieithoedd lleiafrifol gyda nifer o brosiectau Ewropeaidd ac, yn ôl y pennaeth, fe fyddai gadael yr Undeb Ewropeaidd yn fygythiad i hynny.

Yn ôl yr Athro Elin Haf Gruffydd Jones, Cyfarwyddwr Mercator, mae’r corff yn gweithio gyda phobol o wahanol wledydd ar draws Ewrop, yn mynd i gynadleddau rhyngwladol ac yn gwneud gwaith maes mewn gwahanol wledydd.

“Mae’n hollbwysig ein bod ni’n cadw’r gallu i symud o gwmpas,” meddai mewn cyfweliad gyda Radio Wales.

Mae prosiectau Mercator yn cynnwys Llenyddiaeth ar Draws Ffiniau sy’n hyrwyddo rhagor o gyfieithiadau o waith mewn ieithoedd llai.

Fe gafodd ei sefydlu yn 1988 ac mae’n rhestru saith o swyddi ar ei wefan.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.