RSS

Golwg360

MwyCau 

Pwyllgor y Gymraeg: Neil Hamilton yn ateb Cymdeithas yr Iaith

Ionawr 18, 2017 11:52 Diweddarwyd Ionawr 26, 2017 08:40


Neil Hamilton
Mae arweinydd plaid UKIP yn y Cynulliad wedi dweud ei fod “wedi edrych ymlaen” at glywed tystiolaeth cynrychiolwyr Cymdeithas yr Iaith mewn pwyllgor yn y Senedd ym Mae Caerdydd.

Mewn ymateb i sylwadau gan y Gymdeithas heddiw, wedi i ddau aelod gael eu rhwystro rhag cyflwyno tystiolaeth oherwydd iddyn nhw ddweud ymlaen llaw na fydden nhw’n ateb unrhyw gwestiynau gan aelod UKIP, mae Neil Hamilton yn dweud ei fod wedi edrych ymlaen at “drafodaeth adeiladol”.

“… Darllenaf eu tystiolaeth ysgrifenedig â chydymdeimlad,” meddai Neil Hamilton, sy’n Aelod Cynulliad tros ranbarth Canolbarth a Gorllewin Cymru.

“Mae pob aelod o’r Cynulliad yn gydradd fel cynrychiolwyr etholedig pobol Cymru ac ni all eithafwyr fod yn deyrn ar y Cynulliad. Pleidleisiodd 13% o bobol am UKIP mis Mai diwethaf a phleidleisiodd 52% o bobol am Brexit ym Mehefin.

“Dydyn nhw ddim yn helpu’r iaith Gymraeg trwy eu harddangosiad plentynnaidd o anwybodaeth a rhagfarn.

“Dw i’n bersonol yn cefnogi nod Llywodraeth Cymru o wneud Cymru’n genedl ddwyieithog a dwi’n gobeithio gwneith Cymdeithas yr Iaith dyfu fyny yn fuan.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.