RSS

Golwg360

MwyCau 

Saesneg “yn allweddol er mwyn medru cymryd rhan yn ein cymdeithas”

Ionawr 5, 2017 08:11 Diweddarwyd am 08:19


Mae adroddiad Seneddol yn awgrymu y dylai mewnfudwyr ddysgu Saesneg cyn dod i wledydd Prydain neu fynd i ddosbarthiadau gorfodol pan maen nhw’n yn cyrraedd.

Fe fydd yr adroddiad ar integreiddio cymdeithasol yn cael ei gyhoeddi heddiw ddydd Iau gan y Grŵp Seneddol Trawsbleidiol ac fe fydd yn ymdrin â’r cwestiwn o sut i hwyluso integreiddio.

Dywed yr adroddiad bod medru’r Saesneg “yn allweddol er mwyn medru cymryd rhan yn ein cymdeithas” a’i fod yn “rhagofyniad ar gyfer ymwneud â’r rhan fwyaf o bobol Brydeinig mewn ffordd ystyrlon”.

Fe ddaw wedi adolygiad fis diwetha’ gan Louise Casey, oedd yn honni bod Prydain wedi dod yn fwy rhanedig wrth ddod yn fwy amlddiwylliannol, ac oedd yn awgrymu y dylai mewnfudwyr dyngu “llw integreiddio”.

Awgrym arall gan y Grŵp yw bod Prydain yn mabwysiadu sustem debyg i’r un sydd yng Nghanada lle mae gan y taleithiau bwerau dros fewnfudo.

Mae mewnfudo net i’r Deyrnas Unedig o amgylch tua thraean miliwn, llawer yn uwch nag targed y Llywodraeth sef 100,000.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.