Lansio cystadleuaeth Dysgwr y Flwyddyn

 


Prifysgol Bangor
Bydd cystadleuaeth Dysgwr y Flwyddyn yn cael ei lansio yn Ysgol Galan Cymraeg i Oedolion y Gogledd Orllewin ym Mhrifysgol Bangor nos Iau.

Mae’r gystadleuaeth yn agored i unrhyw ddysgwr dros 18 oed, ac yn “gyfle i ddathlu llwyddiant ac ysbrydoli eraill i fynd ati i ymgeisio yn y dyfodol”, meddai’r Eisteddfod.

Gall unigolion ymgeisio’i hunain neu mae modd enwebu rhywun arall.

Dyddiad cau’r gystadleuaeth yw Mawrth 31, ac mae modd lawrlwytho’r ffurflen gais o’r llyfryn Beth Amdani drwy fynd i www.eisteddfod.cymru/mon-2017/maes-d.

Bydd enillydd Dysgwr y Flwyddyn yn ennill tlws arbennig sydd wedi’i roi gan Rhian a Harri Pritchard, Cemaes, £300 wedi’i roi gan Gymraeg i Oedolion Prifysgol Bangor, a gwahoddiad i ymuno â’r Orsedd.

Bydd y tri arall yn y rownd derfynol yn derbyn tlysau wedi’u rhoi gan Rhian a Harri Pritchard, a £100 yr un gan deulu’r Wern, Talwrn, tanysgrifiad blwyddyn i gylchgrawn Golwg a rhoddion gan Ferched y Wawr.

Bydd yr Eisteddfod yn cael ei chynnal ym Modedern, Ynys Môn rhwng Awst 4-12, a seremoni Dysgwr y Flwyddyn ar Awst 9.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd