RSS

Golwg360

MwyCau 

Agor siop Gymraeg yn Saith Seren, Wrecsam

Ionawr 3, 2017 08:09 Diweddarwyd am 09:49


Mae’r ganolfan Gymraeg Saith Seren yn bwriadu agor siop newydd i werthu nwyddau Cymraeg yn Wrecsam y mis hwn.

Daw hyn wedi i Siop y Siswrn gau eu stondin nhw ym Marchnad y Bobol, Wrecsam ar ôl gwasanaethu yno am 20 mlynedd. Fe fyddan nhw’n canolbwyntio’n awr ar gynnal eu siop nhw yn yr Wyddgrug.

O ganlyniad, mae’r ganolfan Saith Seren wedi cydweithio â Siop Cwlwm o ardal Croesoswallt er mwyn cynnal gwasanaeth debyg yn Wrecsam.

Siop fisol i ddechrau

Dywedodd Marc Jones, cadeirydd menter gydweithredol Saith Seren:

“Ar y cychwyn, bydd yna siop fisol gan ddechrau ar ddydd Gwener 13eg o Ionawr ac yna ar Chwefror 17eg a’r 17eg o Fawrth, lle bydd stondin yn gwerthu amrywiaeth o nwyddau, gan gynnwys cardiau cyfarch, llyfrau ac anrhegion.

“Gawn ni weld sut mae pethau’n mynd o ran ymateb ond ein gobaith yw ehangu’r gwasanaeth gyda’r bwriad y bydd Saith Seren yn medru cynnig amrywiaeth ehangach o wasanaethau ar gyfer siaradwyr Cymraeg, dysgwyr Cymraeg ac unrhyw un sy’n chwilio am anrheg unigryw o Gymru,” meddai wedyn.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.