Geraint Jones 4: “Neb yn malio dim” am yr iaith erbyn hyn

Diweddarwyd am  


Does “neb” yn poeni am ddyfodol yr iaith mwyach, meddai’r ymgyrchydd cynta’ i gael ei garcharu dros y Gymraeg, hanner canrif yn ôl.

A dyna pam nad ydi Geraint Jones o Drefor, a gafodd ei garcharu ar 28 Ebrill 1966, ddim yn obeithiol o gwbwl ynghylch dyfodol yr iaith, a hynny am nad oes “dim arwydd” o obaith.

“Does yna neb yn malio dim, dim pobol ifanc, y genhedlaeth ifanc… malio dim,” meddai Geraint Jones wrth golwg360. “Does neb yn codi llais yn unman bron.

“Maen nhw’n fodlon cael eu llyncu gan y diwylliant byd-eang, Saesneg yma, cael eu llyncu gan hwnna ac wedyn dyna hynny…

“Mae egwyddorion ac argyhoeddiad yn bethau sydd wedi prinhau yn arw iawn, iawn ymysg ein pobol ni.

“Mae’n ddigon hawdd dweud, ‘rhaid i ni fod yn obeithiol’, ond gobeithiol am be’? Be’ ‘di’r arwyddion sydd yna i fod yn obeithiol? Does yna ddim mae gen i ofn.”

“Deuoliaeth ryfedd” i’r Cymry

“Hawdd iawn ydi gweiddi hir oes i’r iaith Gymraeg a Chymru am byth… mae’n hawdd gweiddi hwrê dros dîm pêl droed Cymru ond eto yn y bôn, arwynebol ydi hwnna hefyd,” meddai Geraint Jones.

“Dyma’r union bobol sydd wedi pleidleisio dros Brexit ac yn y blaen, yr union bobol a bleidleisiodd yn erbyn cael Cynulliad yng Nghaerdydd.

“Mae yna ryw ddeuoliaeth ryfeddol, neu ryfedd ddylwn i ddweud, ac anffodus iawn, yn perthyn i’n cenedl ni, i’n pobol ni.”

Mae Geraint Jones i’w glywed yn rhannu ei bryderon yn y clip sain hwn:

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd