RSS

Golwg360

MwyCau 

CLIP SAIN: Geraint Jones 3: Carchar yn golygu “aberthu” gyrfa’r Gyfraith

Rhagfyr 26, 2016 14:00 Diweddarwyd am 13:46


Trefor, bro enedigol Geraint Jones
Mae’r aelod cynta’ o Gymdeithas yr Iaith Gymraeg i gael ei garcharu fel rhan o ymgyrch i sicrhau statws swyddogol i’r iaith, yn dweud wrth golwg360 fod y mis dan glo wedi chwalu ei yrfa’n gyfan gwbwl.

Roedd Geraaint Jones wedi graddio yn y Gyfraith o Aberystwyth erbyn iddo gael ei garcharu ym mis Ebrill 1966 am wrthod talu treth ei gar.

“Roedd gen i radd yn y Gyfraith, roedd hi wedi canu arna’ i wedyn i feddwl am gael gyrfa yn y gyfraith ond ro’n i’n dallt hynny, ro’n i’n gwybod hynny ac yn fodlon aberthu peth felly,” meddai.

“Labrwr bues i wedyn am rai blynyddoedd yn y maes adeiladu, es i wedyn i weithio gyda’r Undeb Amaethwyr ac yn y blaen, ges i llawer o swyddi fel yna… doedd fy nghymwysterau academaidd, galwedigaethol i yn dda i affliw o ddim i fi wedyn.”

Aeth Geraint Jones ymlaen i ddysgu wedi hynny, gan ddechrau fel athro peripatetig yn dysgu plant i chwarae offerynnau.

“Wnes i orffen yn brifathro fy hen ysgol yma yn Nhrefor am ychydig o flynyddoedd… Ro’n i’n ddigon bodlon, ro’n i’n gael byw yn fy mro a gwasanaethu fy mro, dyna’r peth pwysicaf.”

Aros yn y Fro

Mae Geraint Jones o’r farn y dylai Cymry Cymraeg aros yn eu bro a magu teuluoedd Cymraeg, gan brynu eiddo yn yr ardal hefyd.

“Mae yna ddigon o Gymry cyfoethog, buasai fo’n beth da iawn [os] buasai nhw’n prynu rhai o’r tai yma sy’n mynd yn rhad, yn lle eu gadael nhw i fynd rhwng y cŵn a’r brain,” meddai.

“Nid tai haf ydy’r peryg mwyaf ond teuluoedd yn symud i mewn yma o Loegr, rheina sy’n lladd yr iaith.”

Mae Geraint Jones i’w glywed yn rhannu ei bryderon am ddyfodol yr iaith a’r cymunedau Cymraeg yn y clip sain yma:

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.