RSS

Golwg360

MwyCau 

Cau’r Western Mail, neu’ch ysgol leol?

Chwefror 18, 2014 12:50 Diweddarwyd am 12:51


Y Western Mail yn cwestiynu gwariant ar y Gymraeg yn 2012

Ifan Morgan Jones sy’n synnu ar gwestiwn gafodd ei holi am yr iaith Gymraeg mewn pôl piniwn diweddar …

A fyddai yn well gennych chi weld y Western Mail yn cau i lawr, neu eich ysgol leol?

Mae’n gwestiwn dwl – ychydig iawn a fyddai yn dewis achub y papur newydd mae’n siŵr. Ond mae’n agos iawn at y cwestiwn a ofynnwyd gan bôl piniwn YouGov ar ran ITV dros yr wythnos diwethaf.

Y cwestiwn oedd: ‘Lle fyddai yn well gennych chi weld y fwyell yn syrthio – casglu sbwriel, gwasanaethau i’r bregus, gwasanaethau hamdden, ysgolion, neu’r iaith Gymraeg?’

Roedd y 56% oedd o blaid dileu gwariant ar yr iaith yn rhyfeddol o isel o ystyried natur y cwestiwn.

Wrth gwrs bod y mwyafrif di-Gymraeg yng Nghymru am ddewis eu hysgol leol, neu wagio eu biniau, dros yr iaith Gymraeg.

Ond roedd y wasg wedi gwneud yn fawr o’r canlyniadau heddiw, gyda prif ohebydd y Western Mail yn trydar bod ‘Mwyafrif pobl Cymru am weld llai o wariant ar yr iaith Gymraeg’.

Dyna ddatganiad camarweiniol hyd yn oed o dderbyn bod y pôl ei hun yn annheg.

Beth nad oedd y pôl piniwn yn ei nodi wrth gwrs yw bod gwariant ar yr iaith Gymraeg yn bitw – yn y miliynau – tra bod y gwariant ar addysg ac iechyd yn y biliynau.

Byddai’r cyfan o’r arbedion wedi mynd ar ffioedd ymgynghori cyn bod yr haul yn machlud ar y diwrnod cyntaf.

Cwestiwn arall yw pam bod rhaglenni Cymraeg yn comisiynu polau piniwn annheg fel hyn sy’n fêl ar fysedd y rheini sydd am sicrhau tranc y Gymraeg?

Fe fydd canlyniadau pôl piniwn yn cael eu ‘datgelu’ ar y Byd ar Bedwar heno.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.