Llwyddiant i ‘Yma O Hyd’ yn y siartiau lawrlwytho Prydeinig

Diweddarwyd  

Dafydd Iwan

Llun: S4C

Mae ‘Yma O Hyd’, cân Dafydd Iwan sy’n un o glasuron cerddoriaeth Gymraeg, wedi llwyddo i gyrraedd deg uchaf sawl un o’r siartiau lawrlwytho cerddoriaeth Prydeinig.

Fe ddaw ar ôl i Yes Cymru fynd ati i annog pobol i lawrlwytho’r gân er mwyn tynnu sylw at yr ymgyrch tros annibyniaeth i Gymru.

Mae hefyd yn dilyn ymgyrch debyg yn Iwerddon, sydd wedi gweld ‘Come Out Ye Black and Tans’ yn cyrraedd brig y siartiau lawrlwytho Gwyddelig dros y dyddiau diwethaf.

Mae ‘Yma O Hyd’ eisoes wedi cyrraedd rhif un yn siartiau lawrlwytho Amazon, a rhif tri gan iTunes er ei bod hi bellach yn seithfed yn y siart honno.

Mae hi hefyd wedi cyrraedd brig siartiau canwr-cyfansoddwr iTunes.

Ar ei hanterth, mae’r gân wedi llwyddo i drechu ymdrechion gan Stormzy, Dua Lipa a llu o gerddorion a grwpiau sy’n boblogaidd drwy wledydd Prydain a thu hwnt.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones