RSS

Golwg360

MwyCau 

Julian Ruck wedi’i wahardd o wefan gymdeithasol Twitter?

Medi 14, 2017 07:14 Diweddarwyd am 11:21


Julian Ruck
Mae’n ymddangos bod un o westeion pennod ddadleuol o Newsnight, Julian Ruck, wedi cael ei wahardd o wefan Twitter.

Mewn neges ar gyfri Alun Saunders, mae’r actor wedi postio cyfres o ddelweddau sydd yn awgrymu bod yr awdur wedi ei wahardd.

Yn y ddelwedd gyntaf ceir screenshot o neges gan Twitter at Alun Saunders, yn sgil cwyn a wnaeth yn erbyn cyfri Julian Ruck.  

Gan gyfeirio at gyfri Julian Ruck ac un cyfri arall mae’r neges yn nodi: “Daeth ein hymchwiliad i’r casgliad bod y cyfrion yma yn groes i reolau Twitter.”

Yn yr ail ddelwedd gwelwn screenshot o gyfri Julian Ruck gyda’r neges “Nid yw’r cyfri yn bodoli”.

Mae golwg360 wedi gofyn i Alun Saunders a Julian Ruck am ymateb a chadarnhad.

Codi gwrychyn

Cododd Julian Ruck sawl gwrychyn yn ystod pennod o Newsnight ar Awst 9 lle bu’n trafod y cwestiwn “A ydi’r Gymraeg o help neu’n hindrans i’r genedl?”

Dyw achosi stŵr ar Twitter  ddim yn beth anghyffredin i’r awdur a nododd ar y wefan ar ddechrau’r mis bod “rhagwelediad plwyfol cefnogwyr yr iaith Gymraeg yn arswydus”.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.