Lansio canolfan seiber-ddiogelwch yng Nghaerdydd

Diweddarwyd  


Mae canolfan fydd yn ymchwilio i’r broblem o ymosodiadau seiber wedi cael ei sefydlu yn swyddogol heddiw.

Wrth lansio’r Ganolfan Ragoriaeth ar gyfer Dadansoddi Seiber-ddiogelwch, dywedodd Prifysgol Caerdydd ac Airbus mai hon yw’r cyntaf o’i fath yn Ewrop.

Wedi ei leoli ym Mhrifysgol Caerdydd, bydd y ganolfan yn gartref i ymchwil i ddulliau o wella diogelwch rhwydweithiau cyfrifiadurol.

Bydd arbenigwyr o Airbus yn cynorthwyo ymchwilwyr a myfyrwyr, ac mi fydd y cwmni a’r brifysgol yn rhannu gwybodaeth.

“Partneriaeth newydd a chyffrous”

“Mae’r bartneriaeth newydd a chyffrous hon yn enghraifft wych o sut y mae arbenigedd Prifysgol Caerdydd yn cysylltu â busnesau blaenllaw yn y byd i sicrhau dyfodol gwell i Gymru a’r byd,” dywedodd Is-Ganghellor Prifysgol Caerdydd, yr Athro Colin Riordan.

“Mae ymchwil i seiber-ddiogelwch yn hollbwysig yn ein cymdeithas ddigidol felly mae’n hanfodol bwysig ein bod ni’n chwilio am atebion arloesol perthnasol er mwyn canfod ymosodiadau seiber peryglus a diogelu systemau rhagddynt.”

Mae Prifysgol Caerdydd wedi cael bron i £2m o gyllid ymchwil allanol er mwyn lansio rhaglenni newydd dros y tair blynedd nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd