Cynghorydd Llafur yw arweinydd newydd Cymdeithas Llywodraeth Leol Cymru

Cynghorydd Llafur o’r de yw arweinydd newydd Cymdeithas Llywodraeth Leol Cymru.

Mae Andrew Morgan yn gynghorydd Llafur dros Orllewin Aberpennar ers 2004.

Bu’n weithiwr i Gyngor Bwrdeistref Sirol Rhondda Cynon Taf cyn ei ethol.

Penodwyd yn aelod o’r cabinet yn 2008 a daeth yn arweinydd y cyngor ym mis Mai 2014.

Mae wedi bod yn Lywydd Cymdeithas Llywodraeth Leol Cymru ers mis Tachwedd 2016 a bydd yn parhau yn ei rôl fel Llefarydd y Gymdeithas dros Drafnidiaeth yr Amgylchedd a Chynaliadwyedd.

Mi fydd Arweinydd blaenorol Cymdeithas Llywodraeth Leol Cymru, y Farwnes Judith Wilcox, yn dod yn aelod o Dŷ’r Arglwyddi .

“Heriol iawn”

Wrth gamu i’r swydd arweinyddol newydd, dywedodd Andrew Morgan: “Anrhydedd enfawr i mi yw cael fy ethol yn Arweinydd Cymdeithas Llywodraeth Cymru.

“Mae’r ddegawd ddiwethaf wedi bod yn heriol iawn i lywodraeth leol, ond mae cynghorau wedi dangos arweiniad ac wedi gweithio i sicrhau bod ein cymunedau lleol wedi cael eu gwasanaethu’n dda a bod gwasanaethau lleol hanfodol wedi cael eu cynnal.”