Huw Edwards fydd prif gyflwynydd rhaglen etholiadol y BBC

Diweddarwyd am  
Pen ac ysgwydd Huw Edwards yn edrych tua'r dde

Huw Edwards

Llun: Golwg360

Huw Edwards fydd yn cyflwyno prif raglen etholiadol y BBC eleni.

Fe fydd yn olynu David Dimbleby, sydd wedi ymddeol ar ôl degawdau wrth y llyw.

Mae’r Cymro Cymraeg o Langennech yn cael ei ystyried yn bâr diogel o ddwylo gan wylwyr a’r Gorfforaeth, ac mae’n dweud ei fod yn awyddus i ddefnyddio’i brofiad helaeth er mwyn rhoi eglurder mewn “byd ansicr”.

Yn gohebu ar y noson ac yn yr wythnosau cyn yr etholiad fydd Naga Munchetty, Andrew Marr, Laura Kuenssberg, yr Athro John Curtice, Sarah Smith, Kirsty Wark, Reeta Chakrabarti, Andrew Neil a Tina Daheley, gyda Jeremy Vine yn gyfrifol am y ‘swingometer’ enwog unwaith eto.

‘Tywys y gwylwyr’

“Ein nod yn adran newyddion y BBC yw cynnig y gwasanaeth gorau posib i bleidleiswyr mewn byd ansicr iawn,” meddai Huw Edwards.

“Fy ngwaith i – yn ystod yr ymgyrch ac ar y noson – fydd tywys gwylwyr drwy’r etholiad pwysicaf ers degawdau.

“Gobeithio y galla i roi fy 35 mlynedd o brofiad ar waith a chynnig gwasanaeth i wylwyr y gallan nhw ymddiried ynddo fe.”

‘Y cyflwynydd perffaith’

“Huw yw’r cyflwynydd perffaith i’w gael wrth y llyw fel tywysydd awdurdodol y gallwn ymddiried ynddo drwy gydol noson yr etholiad,” meddai Fran Unsworth, cyfarwyddwr newyddion y BBC.

“Mae nod y BBC yn syml: rydym am roi’r wybodaeth sydd ei hangen ar y gynulleidfa i’w helpu nhw i benderfynu sut i fwrw eu pleidlais.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones