Llafur Cymru: “angen iddyn nhw weithredu” meddai Liz Saville Roberts

Diweddarwyd am  
Trafodaeth Heriau’r Gymru Annibynnol gafodd ei chynnal gan Yes Cymru ar Faes yr Eisteddfod yn Llanrwst

Trafodaeth Heriau’r Gymru Annibynnol gafodd ei chynnal gan Yes Cymru ar Faes yr Eisteddfod yn Llanrwst

Llun: Golwg360

Cafodd trafodaeth Heriau’r Gymru Annibynnol ei chynnal gan Yes Cymru ar Faes yr Eisteddfod heddiw (dydd Mawrth, Awst 6) mewn ystafell cymdeithasau llawn dop.

Yno roedd Aelod Seneddol Plaid Cymru, Liz Saville Roberts, y cyn-Brif Weinidog Llafur, Carwyn Jones, Sion Jobbins o Yes Cymru, a’r dyn busnes Jeff Williams yn ystyried materion yn ymwneud ag annibyniaeth,  o dan arweiniad Beti George.

Dywedodd Liz Saville Roberts ei bod yn “ddiwrnod hanesyddol” gyda gwleidyddion y ddwy blaid sydd am drafod annibyniaeth, Plaid Cymru a Llafur, yn dod at ei gilydd.

Aeth y drafodaeth ymlaen am awr ac un o’r pwyntiau a wnaeth Liz Saville Roberts dro ar ôl tro oedd diffyg safbwynt gan y Blaid Lafur.

“Beth sy’n fy nharo i efo Carwyn Jones a’r Blaid Lafur ydi nad ydyn nhw’n deall ei bod hi’n iawn i siarad o blaid rhywbeth…” meddai Aelod Seneddol Dwyfor Meirionydd.

“Mae ‘na orymdeithiau annibyniaeth wedi bod. Mae’r Blaid Lafur eisiau bod yn rhan ohoni. Dydyn nhw ddim eisiau cael eu gadael ar ôl.”

 “Ddim yn fater o eiriau cynnes”

“Mae ganddyn nhw hanes o wneud hyn, Ac wrth gwrs rŵan hyn hefo Brexit mae’r Blaid Lafur yn bodloni gyda bob dim ac yn siwtio beth mae pobol eisiau clywed –  o blaid neu yn erbyn Brexit,” meddai Liz Saville Roberts.

Mae’r Aelod Seneddol yn cyfeirio at 1979 pan na weithredodd Llafur i gefnogi datganoli, a’r effaith gafodd hynny drwy gydol yr 1980au.

“Os ydy Llafur eisiau bod yn rhan o hyn, dydi o ddim jest yn fater o eiriau cynnes ond fe fydd yn rhaid iddynt weithredu.”

“Os ydy o’n bwysig i’r  Blaid Lafur mae’n rhaid iddynt wneud mwy na jest siarad ond gweithredu yn ogystal.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer