Mwyafrif o ddim ond un i Boris Johnson wedi is-etholiad

Diweddarwyd am  

Boris Johnson

Llun: Arlywyddiaeth Estonia CC 2.0 trwy Gomin Wicimedia

Mae Boris Johnson wedi cael ergyd ar ôl i’r Ceidwadwyr golli sedd Brycheiniog a Sir Faesyfed yn yr is-etholiad ddoe (dydd Iau, Awst 1) gan adael y Prif Weinidog gyda mwyafrif gweithredol o ddim ond un.

Y Democratiaid Rhyddfrydol sydd wedi ennill y sedd gydag arweinydd y blaid yng Nghymru, Jane Dodds yn ei chipio gan y Ceidwadwr, Chris Davies.

Roedd dros 10,000 o’i etholwyr wedi arwyddo deiseb i gael gwared arno wedi iddo gyfaddef ffugio treuliau ond cafodd ei ddewis eto i sefyll yn yr is-etholiad.

Fe lwyddodd Jane Dodds i ennill 43.5% of o’r holl bleidleisiau, gyda Chris Davies yn cael 39%. Roedd Plaid Brexit wedi cipio 10% o’r bleidlais a Llafur dim ond 5%. Roedd Plaid Cymru a’r Blaid Werdd wedi dod i gytundeb i beidio sefyll yn yr isetholiad er mwyn osgoi rhannu’r bleidlais.

Fe fydd y canlyniad yn ergyd arall i her Boris Johnson i sicrhau cymeradwyaeth i Brexit yn y Senedd ac fe allai gynyddu’r tebygolrwydd o gynnal etholiad cyffredinol brys.

Wrth i Jane Dodds ddathlu ei buddugoliaeth, fe heriodd Boris Johnson i ddiystyru Brexit heb gytundeb.

“Fy ngweithred gyntaf fel eich Aelod Seneddol pan fydda’i yn cyrraedd San Steffan fydd dod o hyd i Mr Boris Johnson lle bynnag mae’n cuddio a dweud yn groch ‘stopiwch chwarae gyda dyfodol ein cymunedau a rhoi’r gorau i Brexit heb gytundeb nawr’.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer