Teulu’r Cynghorydd Paul James yn talu teyrnged i “ŵr a thad cariadus”

 
Paul James

Paul James

Llun gan Blaid Cymru

Mae teulu’r diweddar Paul James, y seiclwr a gafodd ei ladd mewn gwrthdrawiad gyda dau gar ger Aberystwyth yr wythnos ddiwethaf, wedi talu teyrnged i “ŵr a thad cariadus”.

Fe ddigwyddodd y ddamwain am tua 5.30yp ddydd Iau (Ebrill 11) ar ffordd yr A487 rhwng Waun Fawr a Bow Street.

Roedd Paul James, 61, yn gynghorydd Plaid Cymru yn ward Llanbadarn Fawr ger Aberystwyth.

“Roedd Paul yn ŵr a thad cariadus a wnaeth fyw ei fywyd i’r eithaf,” meddai ei deulu mewn datganiad.

“Fe dreuliodd cyfnodau yn y Fyddin Brydeinig a Lleng Dramor Ffrainc. Fe barhaodd i wasanaethu ei gymuned trwy gyfrwng amryw o swyddi yn ei dref enedigol, yn ogystal â bod yn gynghorydd sir a chymuned.

“Roedd Paul yn caru chwaraeon ac yn hyfforddi ar gyfer taith seiclo elusennol er mwyn codi arian ar gyfer ward gofal y galon yn ysbytai Bronglais a Threforys, lle y derbyniodd driniaeth ar ei galon.

“Roedd gan Paul hiwmor arbennig, ac mae gan ei deulu llawer o atgofion a fydd yn siŵr o godi gwên pan fyddan nhw’n meddwl amdano.

“Bydd Paul yn cael ei golli’n fawr.”

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer