Sky Sports yn ymddiheuro am osod baner Lloegr tros fap o Gymru

Diweddarwyd  

Y graffeg yn dangos baner Lloegr dros Gymru hefyd

Llun o’r sgrin adeg y darllediad ar Sky Sports

Mae sianel Sky Sports News wedi ymddiheuro am ddarlledu rhaglen lle gafodd Cymru ei bortreadu fel rhan o Loegr.

Ar nos Fercher (Tachwedd 7) cafodd eitem ei ddarlledu am fowt rhwng y paffwyr Tony Bellew ac Oleksandr Usyk – bowt a fydd yn digwydd ym Manceinion ddydd Sadwrn nesaf (Tachwedd 10).

Ac ar un adeg yn ystod y darllediad cafodd graffeg ei ddarlledu yn dangos llun o Tony Bellew – sy’n hanu o Loegr – a map o wledydd Prydain, lle’r oedd baner Lloegr wedi’i thaenu dros pob un o’r gwledydd, yn cynnwys Cymru.

Bu ymateb chwyrn i hyn ar gyfryngau cymdeithasol gyda’r Aelod Cynulliad, Neil McEvoy, yn ennyn 486 ‘like’ am ofyn, “Sky Sports News, a allwch chi esbonio hyn?”

Bellach mae’r sianel wedi ymateb ar Twitter gan ddweud,“Diolch i bawb am dynnu ein sylw at y camgymeriad wnaethon ni â’n graffeg Usyk erbyn Bellew neithiwr. Rydyn ni wedi cywiro hyn, ac fe hoffen ni ymddiheuro os ydyn ni wedi tramgwyddo unrhyw un.”

Chwaraeon Eraill

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed