Katie Hopkins: S4C yn amddiffyn peidio darlledu cyfweliad â Guto Harri

Diweddarwyd  

Katie Hopkins

Llun oddi ar ei chyfrif Twitter

Mae S4C wedi amddiffyn y penderfyniad i ddangos cyfweliad Katie Hopkins ar y we ond nid ar y teledu.

Yn y rhifyn diweddaraf o raglen Guto Harri, Y Byd yn ei Le neithiwr, fe wnaeth y rhaglen grybwyll yr ymateb sydd wedi bod ar y we i’r cyfweliad gwreiddiol, gan ddangos clip byr ohono.

Yn y clip, mae Guto Harri yn gofyn i Katie Hopkins a oes ganddi “compulsively obnoxious syndrome”.

Wrth ddadansoddi ei hateb, dywed y cyflwynydd fod y gwestai “wrth ei bodd yn corddi”, ond fod sut ddylai’r gynulleidfa ymateb yn “gwestiwn teg”. Eglura bod “risg o roi llwyfan pellach” i safbwyntiau dadleuol fel sydd gan Katie Hopkins.

Ymateb S4C

Wrth droi at y stori ar ddiwedd y rhaglen eto nos Fawrth (Hydref 3), cafodd ymatebion nifer o bobol eu dangos.

“Yn dilyn ymateb eithriadol ar y cyfryngau cymdeithasol i gyfweliad Guto Harri gyda Katie Hopkins yn rhaglen Y Byd yn ei Le, penderfynwyd rhyddhau y cyfweliad yn gynnar ar y we ddydd Mercher,” meddai llefarydd ar ran S4C wrth golwg360.

“Gan fod y cyfweliad felly’n gyhoeddus aed ati yn rhaglen neithiwr i drafod yr ymateb gan edrych ar sut mae trin pynciau gydag unigolyn sy’n rhannu barn.

“Bu trafodaeth rhwng dau berson gydag un yn dweud na ddylid rhoi llwyfan ar unrhyw gyfrif, ac yna dadl mai’r unig ffordd i ddelio gyda newyddion ffug a safbwyntiau atgas yw herio a thrafod gan roi’r ochr arall i’r ddadl.”

Gallwch wylio’r cyfweliad yma:

Cefndir a beirniadaeth

Cafodd ITV Cymru eu beirniadu am gynnal y cyfweliad â’r newyddiadurwraig ddadleuol, ar ôl iddi hithau ennyn tipyn o feirniadaeth am ei hymgyrch yn erbyn addysg Gymraeg ar y cyfryngau cymdeithasol, oedd yn cynnwys cyhuddo Llywodraeth Cymru o orfodi’r iaith ar blant.

Gofynnodd hi a yw’r Saesneg wedi’i gwahardd yn yr ystafell ddosbarth yng Nghymru, a hynny yn ystod ymweliad â’r wlad.

Wrth roi’r is-bennawd, ‘Parthed Addysg Cyfrwng Cymraeg Orfodol’, aeth yn ei blaen i ofyn, “A yw’r Saesneg wedi’i gwahardd fel cyfrwng sgwrs yn ystafell ddosbarth eich plentyn?”

Mewn cwestiwn pellach, gofynnodd, “A yw eich plentyn wedi’i effeithio?” cyn holi eto, “Ydych chi’n addysgwr cartref yng Ngheredigion?”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019