Mae Arlywydd yr Unol Daleithiau, Donald Trump wedi cydymdeimlo ag ymgeisydd y Goruchaf Lys sy’n wynebu honiadau o ymosodiad rhyw hanesyddol.
Dydy Brett Kavanaugh “ddim yn ddyn sy’n haeddu hyn”, meddai mewn cynhadledd i’r wasg ddydd Mawrth.
Serch hynny, mae’n dweud ei fod yn cefnogi cynnal adolygiad yn y Senedd.
Mae dynes yn honni i Brett Kavanaugh ymosod arni’n rhywiol pan oedden nhw yn yr ysgol uwchradd, ond mae e’n gwadu iddo wneud unrhyw beth o’i le.
Bydd y ddau yn rhoi tystiolaeth ddydd Llun nesaf (Medi 24).
Mae’r Democratiaid yn galw am ymchwiliad llawn gan yr FBI, ac nid adolygiad mewnol.
