Llywydd yn mynd i Sbaen i ganu clodydd Cynulliad dwyieithog

Diweddarwyd am  
Wyneb Elin Jones

Elin Jones

Llun: Cynulliad Cenedlaethol Cymru CC 2.0

Fe fydd Elin Jones yn canu clodydd Cynulliad dwyieithog yn ystod taith i Sbaen yr wythnos hon.

Mae Llywydd y Cynulliad yn teithio i Valencia ar gyfer traddodi anerchiad gerbron Cynhadledd Cynulliadau Deddfwriaethol Rhanbarthol Ewrop, sy’n cynnwys seneddwyr Ewropeaidd ac arbenigwyr ieithyddol.

Bydd yn tynnu sylw at sut mae’r Gymraeg yn cael ei hybu a’i defnyddio gan y Cynulliad, a sut y mae’n greiddiol i ddemocratiaeth yng Nghymru.

“Nawr, yn fwy nag erioed, mae’n bwysig bod y Cynulliad yn meithrin ei berthynas â seneddau ar draws Ewrop,” meddai Elin Jones.

“Wrth i ni baratoi i adael yr Undeb Ewropeaidd, mae diogelu’r gallu i rannu a dysgu am brofiadau cynulliadau Ewropeaidd eraill yn hanfodol os ydym am ddarparu’r gwasanaethau gorau i bobol Cymru.

“Mae’n bleser gennyf hyrwyddo ein darpariaeth arloesol o wasanaethau dwyieithog, ac rwy’n gobeithio y bydd y gynulleidfa’n ystyried y cipolwg o’n cenedl ddwyieithog yn ddiddorol ac yn ddefnyddiol.”

Catalwnia

Yn ogystal â’i hymweliad â Sbaen, bydd Elin Jones hefyd yn mynd i Senedd Catalwnia yn ninas Barcelona.

Yno, bydd yn cwrdd â’r Llywydd, Roger Torrent, ynghyd â chynrychiolwyr o Fflandrys a Gwlad y Basg.

Pwrpas ei hymweliad yno yw cryfhau’r cyswllt rhwng Cymru a seneddau gwledydd tramor. Mae hi eisoes wedi croesawu cynrychiolwyr diplomyddol o India, Gwlad Belg a Quebec fel rhan o’r un rhaglen.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?