Rhagweld “llanast llwyr” i amaeth Cymru dan Brexit caled

Diweddarwyd  

Mi fydd hi’n “llanast llwyr” o fewn diwydiant amaeth Cymru os na fydd bargen Brexit yn cael ei tharo, yn ôl Dirprwy Lywydd Undeb Cenedlaethol yr Amaethwyr (NFU Cymru).

Dan yr amgylchiadau yma, mi fyddai Gwledydd Prydain yn gorfod dibynnu ar reolau masnachu Sefydliad Masnach y Byd (WTO).

Ac yn ôl Aled Jones mi fyddai hynny’n golygu tariffiau 40-50% ar gig oen o Gymru. Mae’n nodi na fyddai’r cig yn “ffafriol” i’w werthu dan yr amodau yma a byddai’n rhaid derbyn prisiau is.

“Wel, gallwch chi ddychmygu mi fyddai hi’n llanast llwyr yn y diwydiant pe tasai hynny’n digwydd,” meddai wrth golwg360.

“Gan gofio hefyd mae Cymru yn gyffredinol yn wlad sy’n cynhyrchu lot o ddefaid, lot o gig oen. Mae’n mynyddoedd ni yn ffrwythlon, rydan ni’n llwyddo i dyfu porfa dda.

“Dyw’r gallu gyda ni i droi i dyfu cnydau, wel, dydi o ddim yng Nghymru – gan eithrio rhannau arfordirol. Mae pwysigrwydd y diwydiant cig coch yn enfawr i ni, a’r diwydiant llaeth i raddau hefyd.”

Busnesau a’r Gymraeg

 ffermwyr yn gorfod derbyn prisiau is am eu cynnyrch, mae Aled Jones yn gofidio y byddai “pwysau” ar fusnesau i uno er mwyn ceisio gostwng cost cynhyrchu’r oen.

Bydd hyn yn ei dro, meddai, yn peryglu cymuned cefn gwlad a’r iaith Gymraeg yno.

“Dw i’n rhagweld mi fuasai hynny yn golygu bod yna llai o ffermwyr, llai o deuluoedd,” meddai. “Ac unwaith fydd yna llai o deuluoedd bydd yna llai o bobol ifanc yng nghefn gwlad, mewn ysgolion.

“Mae cymuned cefn gwlad yn mynd i ddioddef yn arw iawn.

“A dw i’n pryderu hefyd, mae’r iaith mor gryf yng nghefn gwlad Cymru. A buasai’n drueni mawr i ni fel gwlad, bod ni’n colli un o’r cryfderau mawr sydd gynnon ni yma.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd