Angen diogelu brand bwyd Cymru, meddai Plaid Cymru

Diweddarwyd am  
Simon Thomas

Simon Thomas AC

Llun: Cynulliad Cenedlaethol Cymru CC 2.0

Mae angen i Lywodraeth Cymru gymryd bygythiad Brexit tuag at frand bwyd Cymru “o ddifri”, meddai Plaid Cymru.

Mae’r ysgrifennydd cysgodol dros Faterion Gwledig, Simon Thomas, wedi galw ar Lywodraeth Cymru i sicrhau bod brand bwyd Cymru yn cael ei ddiogelu yn y blynyddoedd yn dilyn Brexit.

Dim ond y mis diwethaf y cyhoeddodd y Comisiwn Ewropeaidd ei fod yn rhoi statws bwyd gwarchodedig i Gaws Caerffili, sy’n golygu bod 15 o fwydydd a diodydd o Gymru bellach yn cael eu diogelu gan y Comisiwn.

Angen dod â gwobrau bwyd yn ôl

Mae Simon Thomas yn dweud bod pob ceiniog sy’n cael ei gwario ar gynnyrch o Gymru “o fantais” i ffermwyr a chynhyrchwyr y wlad, ond mae’n teimlo nad yw’r Llywodraeth yn gwneud digon i ddiogelu eu brand.

“Dydw i ddim yn meddwl bod Llywodraeth Cymru yn cymryd y bygythiad hwn tuag at frand bwyd Cymru o ddifri,” meddai.

“Fe wnaethon nhw gael gwared ar ein gwobrau bwyd yn 2013. Roedd gan “Gwir Flas ymgyrch farchnata da, ac roedd yn adrodd cyfrolau am ansawdd ein bwyd.

“Mae angen inni ddod â’n gwobrau bwy ein hunain yn ôl, heb orfod dibynnu ar enillwyr Cymreig yng nghystadleuaeth “Great Taste” y Deyrnas Unedig.

“Dydyn ni ddim eisiau i fwyd o Gymru gael eu marchnata a’u brandio fel “bwyd o’r Deyrnas Unedig”.

“Fe allwn ni gydweithio ar yr ynysoedd hyn am fwydydd o safon uchel, ond mae’r stori ry’n ni’n eu dweud yn gorfod bod yn un sydd â blas Cymreig unigryw arno.”

Mae golwg360 wedi gofyn i Lywodraeth Cymru am ymateb.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd