Cynnal protest o blaid Deddf Iaith Wyddeleg

Diweddarwyd am  
Llun o adeilad Stormont

Stormont

Llun: Johndmcdonald CC SA 3.0 trwy Commons Wicimedia

Mae disgyblion o ysgolion Gwyddeleg ac ymgyrchwyr iaith wedi cynnal protest y tu allan i Stormont gan alw am Ddeddf Iaith Wyddeleg.

Mae’r brotest yn cyd-daro â chyfarfod rhwng ymgyrchwyr iaith a’r Ysgrifennydd Gwladol Gogledd Iwerddon, Karen Bradley, yn Stormont House ddydd Iau (Chwefror 1).

Anghydfod tros Ddeddf Iaith Wyddeleg sy’n bennaf gyfrifol am anallu pleidiau Gogledd Iwerddon i daro bargen tros ffurfio Llywodraeth newydd.

Hyd yma mae’r Unoliaethwyr Democrataidd wedi gwrthwynebu’r ddeddf oherwydd dydy hi ddim yn diogelu diwylliannau ac ieithoedd eraill, gan gynnwys Sgoteg Wlster.

“Ymladd yn ôl”

“Rydym wedi cael llond bol o’r ymosodiadau, y gwahaniaethu yn ein herbyn, ac o’r diwedd rydym ni’n ymladd yn ôl,” meddai’r disgybl Katy-Rose Meade ar risiau Stormont.

“Rydym yn galw ar bob plaid i barhau i sefyll gyda ni, wrth i ni sefyll gyda’n gilydd i sicrhau cydraddoldeb i siaradwyr yr Iaith Wyddeleg.”

Roedd gwleidyddion o Sinn Fein a’r Blaid Lafur Democrataidd Cymdeithasol (SDLP) yn rhan o’r brotest.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd