Dim ymchwiliad gan Lafur i gamymddwyn honedig Carl Sargeant

Diweddarwyd am  
Llun pen ac ysgwydd o'r diweddar Aelod Cynulliad

Carl Sargeant

Llun: Cynulliad Cenedlaethol Cymru CC 2.0

Mae’r Blaid Lafur wedi rhoi’r gorau i’r ymchwiliad i gamymddwyn rhywiol honedig cyn-Ysgrifennydd Cymunedau Llywodraeth Cymru, Carl Sargeant.

Cafwyd hyd i gorff yr Aelod Cynulliad dros Alun a Glannau Dyfrdwy ar Dachwedd 7, bedwar diwrnod ar ôl iddo gael ei ddiswyddo o’r Cabinet yn dilyn honiadau yn ei erbyn.

Yn dilyn ei farwolaeth, mae’r Blaid Lafur bellach o’r farn “nad yw’n bosibl dwyn ein hymchwiliad ymlaen yn unol â’n gweithdrefnau,” meddai Ysgrifennydd Cyffredinol y blaid, Iain McNicol.

Cwyn

Dywedodd teulu Carl Sargeant nad oedd e wedi cael gwybod beth oedd natur yr honiadau, ond fe gafodd ei gyhuddo o “roi sylw diangen a chyffwrdd amhriodol”.

Mewn llythyr a gafodd ei anfon at gyfreithiwr y teulu, eglurodd y Blaid Lafur fod cwyn wedi ei derbyn ar y diwrnod y cafwyd hyd i Carl Sargeant yn farw yn ei gartref yng Nghei Conna.

Mae’r Blaid Lafur yn dweud y byddan nhw’n cydymffurfio ag ymchwiliad y crwner i’w farwolaeth.

Tra bod rhai aelodau’r Blaid Lafur wedi bod yn galw am roi’r gorau i’r ymchwiliad, roedd arweinydd Plaid Cymru, Leanne Wood ymhlith y rhai oedd yn galw am sicrhau “cyfiawnder i’r holl bobol oedd ynghlwm” â’r mater.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd