‘Mae’r ysgrifen ar y mur i Theresa May’

Diweddarwyd am  


Theresa May - 'yr ysgrifen ar y mur' (Dominic Lipsinki/Pa Wire)
Mae’n rhaid i’r Ceidwadwyr “chwilio am arweinydd newydd” yn ôl cyn-Gadeirydd y blaid.

Mae’r Aelod Seneddol, Grant Shapps, wedi cyfaddef ei fod yn rhan o gynllwyn i gael gwared ar y Prif Weinidog, Theresa May, ac yn honni bod “hyd at 30” o aelodau seneddol yn ei gefnogi.

“Fe gawson ni ganlyniad [yn yr etholiad cyffredinol] nad oedd neb eisiau,” meddai Grant Shapps wrth BBC Radio 5 Live.

“Weithiau pan mae pethau’n digwydd mae’n rhaid cymryd cyfrifoldeb amdanyn nhw, a dyna beth ddylai ddigwydd fan hyn … Mae’r ysgrifen ar y mur i May.”

Cefnogaeth

Mae nifer o weinidogion y blaid Geidwadol wedi amddiffyn Theresa May, gyda’r Ysgrifennydd Gwladol, Amber Rudd, yn mynnu mewn erthygl bapur newydd y “dylai hi aros” er gwaethaf “methiannau” araith ddiweddar.

Mae’n debyg bod ffigyrau blaenllaw’r blaid yn ffyddiog bod y mwyafrif aelodau seneddol Ceidwadol yn credu dylai Theresa May barhau yn arweinydd.

Yn ôl rheolau’r Ceidwadwyr, fe fyddai’n rhaid i 48 aelod seneddol ddatgan eu hanfodlonrwydd â’u harweinydd er mwyn sbarduno gornest am yr arweinyddiaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd