Croesawu pleidlais o blaid confensiwn i atal trais

 


Llun: PA
Mae Aelod Senedd Ewropeaidd o Gymru wedi croesawu pleidlais o blaid confensiwn Ewropeaidd bydd yn mynd i’r afael â thrais yn erbyn menywod ar lefel rhyngwladol.
 

Pleidleisiodd Senedd Ewrop o blaid dynodi eu cydsyniad â Chonfensiwn Istanbwl ddoe (dydd Mawrth, Medi 13).

Nod y confensiwn – sydd dan nawdd Cyngor Ewrop – yw sefydlu fframwaith cyfreithiol er mwyn atal y math yma o drais, cefnogi dioddefwyr ac i gosbi troseddwyr.

Yn ôl yr Aelod Senedd Plaid Cymru, Jill Evans, mi fydd y confensiwn yn gwneud “gwahaniaeth mawr i fywydau gymaint o fenywod a merched.”

Mae adroddiad gan Lywodraeth Cymru o 2014 yn awgrymu bod 11% o fenywod yn dioddef cam-drin domestig pob blwyddyn yng Nghymru ac mae trais rhywiol yn effeithio 3.2%. 

Rhyddid rhag trais

“Mae gan fenywod yr hawl  i fyw yn rhydd rhag trais a bygythiad trais,” meddai Jill Evans. “Mae Confensiwn Istanbul yn darparu fframwaith i godi safonau a gwella amddiffyniad.

“Bydd fframwaith cyfreithiol ar lefel Ewropeaidd fydd yn mynd i’r afael â thrais domestig yn gwneud gwahaniaeth mawr i fywydau gymaint o fenywod a merched.

“Bydd hefyd yn danfon neges bositif i sefydliadau sydd yn ceisio atal trais. Galwaf ar Gynulliad Cymru i ddynodi eu cydsyniad â’r confensiwn – bydda’i hyn yn weithred symbolaidd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd