Cymeradwyo cam cynta’r Mesur Diddymu

Diweddarwyd am  


Llun: PA
Mewn pleidlais yn Senedd San Steffan neithiwr fe gafodd Mesur Diddymu’r Undeb Ewropeaidd ei gymeradwyo.

Mae’r Prif Weinidog, Theresa May, wedi disgrifio’r canlyniad yn un “hanesyddol,” ac mae’n golygu y gall trafodaethau Brexit symud ymlaen i’r cam nesaf.

Mae’r Mesur Diddymu yn golygu y bydd cyfreithiau’r Undeb Ewropeaidd yn cael eu trawsosod yn gyfreithiau gwledydd Prydain.

Ond mae arweinydd y Blaid Lafur, Jeremy Corbyn, wedi disgrifio hynny’n ymgais i “gipio pwerau” ac roedd wedi galw ar Aelodau Seneddol Llafur i’w wrthwynebu.

Er hyn, fe ddaeth hi i’r amlwg neithiwr fod saith Aelod Seneddol Llafur wedi cefnogi’r mesur gyda 13 yn atal eu pleidlais.

Mae Plaid Cymru, y Democratiaid Rhyddfrydol a’r SNP wedi beirniadu’r aelodau hynny am weithio “law yn llaw” gyda’r Ceidwadwyr gan arwain at bleidlais derfynol o 326 i 290.

‘Symud ymlaen’

Mewn datganiad wedi’r bleidlais dywedodd Theresa May: “Er bod mwy i’w wneud, mae’r penderfyniad hwn yn golygu y gallwn symud ymlaen gyda’r trafodaethau gyda seiliau cadarn ac rydym yn parhau i annog Aelodau Seneddol o bob rhan o’r Deyrnas Unedig i weithio gyda’n gilydd i gefnogi’r darn hollbwysig hwn o ddeddfwriaeth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd