RSS

Golwg360

MwyCau 

Taflegryn: Theresa May wedi’i “chythruddo”

Awst 29, 2017 12:23 Diweddarwyd am 17:02


Theresa May Llun: Jonathan Brady/PA Wire
Mae Theresa May wedi’i “chythruddo” gan brawf taflegryn diweddaraf Gogledd Corea, ond nid oes bwriad ganddi i newid ei chynlluniau i deithio i Siapan, meddai Downing Street.

Mae’r Prif Weinidog yn teithio i Siapan ar gyfer trafodaethau gyda Phrif Weinidog y wlad, Shinzo Abe wrth i’r tensiynau gynyddu yn dilyn lansio taflegryn o Pyongyang at Siapan.

Fe deithiodd y taflegryn dros ynys Hokkaido cyn syrthio i ogledd y Môr Tawel.

Dywedodd Shinzo Abe bod y taflegryn yn “fygythiad difrifol” i’r wlad.

Mae Theresa May wedi disgrifio’r digwyddiad fel gweithred “bryfoclyd.”

Mewn cynhadledd i’r wasg, dywedodd llefarydd ar ran Rhif 10 bod swyddogion o’r Deyrnas Unedig a Siapan wedi bod mewn “cysylltiad parhaol” a’i gilydd cyn yr ymweliad.

Ychwanegodd y llefarydd bod y Prif Weinidog wedi condemnio’r prawf diweddaraf yn chwyrn a bod rhaglen niwclear a thaflegrau Kim Jong Un eisoes ar yr agenda yn ystod y trafodaethau yn Tokyo.

Fe fydd cyfarfod brys o Gyngor Diogelwch y Cenhedloedd Unedig yn ystyried sancsiynau newydd posib yn erbyn arweinydd Gogledd Corea, Kim Jong Un.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.