RSS

Golwg360

MwyCau 

“Gall Prydain aros yn yr Undeb Ewropeaidd” – Sadiq Khan

Gorffennaf 29, 2017 11:35 Diweddarwyd am 16:39


(llun: PA)
Dywed Maer Llundain, Sadiq Khan, ei fod yn ‘optimistaidd’ fod siawns i Brydain aros yn yr Undeb Ewropeaidd.

Mae’n galw ar y Blaid Lafur i ddatblygu safbwynt clir ar yr Undeb Ewropeaidd, wrth i wahaniaethau barn o fewn y blaid ddod yn fwyfwy amlwg o hyd.

Yn ôl Sadiq Khan, mae dwy ffordd o osgoi Brexit – yn gyntaf petai Llafur yn ennill yr etholiad cyffredinol nesaf gyda ymrwymiad i beidio â gadael yr UE, neu’n ail, wrth gynnal ail refferendwm.

“Byddai’n rhaid i faniffesto Llafur ddatgan mewn du a gwyn beth fydden ni’n ei wneud pe baen ni’n ennill yr etholiad cyffredinol,” meddai Maer Llundain mewn adroddiad ym mhapur newydd The Guardian.

“Yr hyn a allai drympio canlyniad y refferendwm yw i ni gael cynnig yn ein maniffesto yn dweud na fydden ni ddim yn gadael yr UE, neu y bydden ni’n cael ail refferendwm.”

Daw ei sylwadau ar ôl i arweinydd Llafur Jeremy Corbyn ddweud bod ar ei blaid eisiau i Brydain adael y farchnad sengl, tra bod y llefarydd ar Brexit, Syr Keir Starmer, yn dweud na ddylid diystyru unrhyw ddewis.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.